Text copied!
CopyCompare
Icamanal toteco; Santa Bíblia - SALMOS - SALMOS 32

SALMOS 32:2-11

Help us?
Click on verse(s) to share them!
2Quipiya paquilistli catli ya quipohuilijtoc TOTECO itlajtlacolhua, huan ayacmo quitlajtlacoltía ica niyon se tlamantli. Ipan iyolo ayacmo mocajcayahua quen amo tleno quichijtoc.
3Quema ayamo nijpohuilijtoya TOTECO quen nitlajtlacolchijtoya, semilhuitl nitlaayijhuiyaya hasta nijmatqui para tlantoya nochicahualis.
4Techtlatzacuiltiyaya tonaya huan tlayohua. Techtlatzacuilti hasta nijmatiyaya nicuahuaquiyaya quen soquiatl huaqui quema chicahuac tlatotoniya.
5Pero teipa nimitzpohuili nochi notlajtlacolhua huan niyon se amo nijtlati. Nimotemacac nimitzpohuilis nochi notlaixpanolhua huan ta, TOTECO, nochi techtlapojpolhui, huan techquixtili nopa tlaeticayotl.
6Monequi para nochi catli moaxcahua mitztemose quema itztoque ipan tequipacholi. Monequi motemachise ipan ta, huan masque tequipacholi momiyaquilis quen se atlajtli catli chicahuac mixcuepa, amo quinajsis.
7TOTECO, ipan ta nimotemachía quema onca tequipacholi, huan ta techmocuitlahuía. Tijchijtoc para sequinoc ma nechyahualoca, huan inijuanti huicaj chicahuac para mitzhueyichihuase pampa techmanahuijtoc.
8TOTECO quiijtohua: “Na nimitztlalnamictis huan nimitznextilis nopa ojtli catli más cuali, catli monequi ipan timonejnemiltis. Na nimitzconsejomacas huan nimitztlachilijtos.
9Amo ximochihua quen se cahuayo, o se mula catli amo quipiya tlalnamiquilistli, catli monequi tijtlalilis se tepos camachali ica se mecatl huan tijtilanas para ma mitzneltocas.”
10Amo cuajcualme quipantise miyac tlaijiyohuilistli, pero tojuanti catli timotemachíaj ipan TOTECO, yaya techyahualohua ica itlaicnelilis.
11Xipaquica ipan TOTECO, amojuanti catli anitztoque xitlahuaque iixpa. Amojuanti catli anquineltoquilíaj, xitzajtzica ica paquilistli por catli TOTECO quichijtoc.

Read SALMOS 32SALMOS 32
Compare SALMOS 32:2-11SALMOS 32:2-11