يَبُرَ 32:2-11

²حّلّشِنيِ نَ عَدَ مَ بّ عَلَتَلَ بَرَ دِحّ نَشَن مَ قٍ كٌبِ مَ، عَ نُن مَءِقُي مُ نَ نَشَن شَشِلِ يَ مَ.

³دَنمِ ﭑ دُندُشِ، ﭑ مُ نْمَ مِنِدٍ تْورّ كُي. ﭑ نُ تْورْ مَ نّ يَنيِ بِرِن نَ.

⁴كْي نُن يَنيِ عِ شَ تْورّ نَ ﭑ قَرِ. ﭑ سّنبّ بَرَ كَنَ، عَ بَرَ لُ عَلْ فبٍنفبٍرٍن يِرٍ.

⁵ﭑ بَرَ ﭑ مَ يُنُبِ مَسٍن عِ بّ، ﭑ مُ ﭑ مَ يُنُبِ نْشُنشِ قَ. ﭑ بَرَ عَ قَلَ، «قٌ ﭑ شَ ﭑ مَ يُنُبِ يَ شَرَن عَلَتَلَ بّ.» عِ تَن عَلَتَلَ بَرَ ﭑ مَ يُنُبِ بَ ﭑ مَ.

⁶مِشِ تِنشِنشِ بِرِن شَ عِ مَشَندِ عَ وَشَتِ. شَ تْورّ فبٌ عَلْ بَنبَرَنيِ، عَ مُ سٍسٍ نِيَمَ عَ رَ.

⁷ﭑ مَ كَنتَرِ لَنشِ عِ تَن نَن مَ. عِ مَن سُننُنيِ بَمَ ﭑ مَ. ﭑ عِ تَنتُمَ نّ عِ شَ مَرَتَنفّ شَ قٍ رَ.

⁸ﭑ وٌ شَرَنمَ نّ كِرَ رَ وٌ لَن وٌ شَ بِرَ نَشَن قْشْ رَ. ﭑ وٌ رَ سِمَ نّ، ﭑ نَن ﭑ حّنفِ سَمَ نّ وٌ شَ قٍ شْن مَ.

⁹وٌ نَشَ لُ عَلْ سٌي، شَ نَ مُ عَ رَ سٌقَلٍ شَشِلِتَرٍ، نَشَن مُ رَحّرّ مَ قٌ كَرَقٌي رَ.

¹⁰قٍ شْنّ فبٍفبٍ رَفَتَشِ مِشِ حَاشِ بّ، كْنْ نَشَن عَ شَشِلِ تِشِ عَلَتَلَ رَ، عَلَ شَ قٌنِسِرٍيَ نَ كَنيِ رَبِلِنمَ نّ.

¹¹مِشِ تِنشِنشِيٍ، وٌ سّيوَ عَلَتَلَ رَ، وٌ مَن شَ حّلّشِن. وٌ عَلَ تَنتُ حّلّشِنيِ كُي وٌ شُي عِتٍشِ رَ، وٌ تَن مِشِ تِنشِنشِيٍ بِرِن.