SALMOS 30:1-11

¹X̱ana' Dios, bechiso' neda', na' ẕka'n ẕena' Le'. Bi bi'o latje benne' ka' bi ẕḻé'egekle' neda' chawe' gon dítjgekle' neda'.

²X̱ana' Dios, bḻiža' Le', na' beyono' neda'.

³X̱ana' Dios, besló' neda' ḻo yi' gabíl. Beyono' neda' nich bi choa'a yežw ba.

⁴Le goḻ che X̱anžon', ḻe'e nakle benne' chekze' Ḻe'. Le ye' Ḻe' “žóx̱keno'”, na' bejsá' ḻaže' nake' la'y.

⁵To chí'ido'ze ẕže'e, san to chi'ize zoa yeḻa' ži'i ḻaže' chie'. Kwéžežo to yelze, san zildo' yebéḻe'elžo.

⁶Kate' wzóa' chawe' wnnía': bi be gak chia' neda'.

⁷Ki wnnía' dan' bzoa chocho' neda', X̱ana' Dios, ka to ḻaw ya'a ẕen, na' ben chawo'o neda', san kate' bkache' ḻawo' Le', na' wžé' zedla'.

⁸X̱ana' Dios, wḻiža' Le', na' gáta'yoela' Le'.

⁹¿Biẕkze yeḻa' ba nez gaken chio' cha' gata' neda', na' choa'a yežw ba? ¿Wká'n ẕena' Le' kate' ba naka' bix̱te yo? ¿Wak wzenla' no benne' da' naken dot da' li chio'?

¹⁰Bze nag chia', X̱ana' Dios, na' beyache' ḻaže'l neda'. X̱ana' Dios, gokḻen neda'.

¹¹Beno' ga beyák yeḻa' ẕbeže chia' yeḻa' žia'a. Bkwaso' yeḻa' nyache' ḻaže' chia', na' beno' ga bebéḻe'ela'.