Psalm 30:1-11

¹Psalm lal David, In Onkakinyuk ke Kisaiyuk Tempul Nga kaksakin kom, LEUM GOD, mweyen kom moliyula Ac tia lela tuh mwet lokoalok luk in aksruksrukyeyu.

²Ke nga tung ac pang nu sum, LEUM GOD luk, Kom akkeyeyula.

³Kom sruokyuwi liki misa. Nga tufokfokla nu in luf loallana, A kom folokinyume nu ke moul.

⁴On ac kaksakin LEUM GOD, Kowos mwet sulela lal! Esam ma El su Mutallana El oru, Ac sang kulo nu sel.

⁵Mulat lal oan ke kitin pacl na, A wo lal oan ma pahtpat. Sahp ac oasr tung ke fong, Tusruktu, engan fah sikyak ke lotutang.

⁶Nga pula inse misla, ac fahk nu sik sifacna, “Nga fah tiana kutangyukla.”

⁷LEUM GOD, kom arulana wo nu sik, Kom tuh karinginyume oana sie pot ku fineol uh. Na tok kom wikinkomla likiyu, Oru nga sangeng.

⁸Nga tuh pang nu sum, LEUM GOD; Nga siyuk ke kasru lom, ac fahk:

⁹“Nga fin misa, ac mea nu sum? Nga fin som nu inkulyuk, mea ac wo nu sum kac? Ya mwet misa elos ku in kaksakin kom? Ya elos ac ku in fahkak ke lupan wo lom?

¹⁰Lohngyu, LEUM GOD, ac pakomutuk! LEUM GOD, kasreyu!”

¹¹Kom ekulla asor luk nu ke engan ac onsrosro. Kom usla supwar likiyu Ac rauniyula ke engan.