Zaburi 30:1-11

¹Nitakutukuza wewe, Yahwe, kwa kuwa umeniinua na haujawaruhusu maadui zangu juu yangu.

²Yahwe Mungu wangu, nilikulilia wewe kwa ajili ya msaada, nawe ukaniponya.

³Yahwe, wewe umeitoa roho yangu kuzimuni; nawe umeniweka hai mbali na kaburi.

⁴Mwimbieni sifa Yahwe, ninyi waaminifu wake! Mshukuruni Bwana mkumbukapo utakatifu wake.

⁵Kwa kuwa hasira yake ni ya muda tu; bali neema yake yadumu milele. Kilio huja usiku, bali furaha huja asubuhi.

⁶Kwa ujasiri nilisema, “Sitatikiswa kamwe.”

⁷Yahwe, kwa neema yako uliniweka mimi kama mlima imara; lakini ulipouficha uso wako, nilisumbuka.

⁸Nilikulilia wewe, Yahwe, na kuomba msaada kwa Bwana wangu!

⁹Kuna faida gani katika kifo changu, kama nitaenda kaburini? Je, mavumbi yatakusifu wewe? Yatatangaza uaminifu wako?

¹⁰Sikia, Yahwe, na unihurumie! Yahwe, uwe msaidizi wangu.

¹¹Wewe umegeuza kuomboleza kwangu kuwa kucheza; wewe umeyaondoa mavazi yangu ya magunia na kunivisha furaha.