SALMOS 23:1-5

¹Quen se tlamocuitlahuijquetl quinmocuitlahuía pilborregojtzitzi, TOTECO nechmocuitlahuía. Huan yeca amo tleno nechpolohua.

²Yaya nechsiyajquetza campa onca yejyectzi sacatl catli xoxohuic. Nechhuica campa mantoc cuali atl catli amo mahuilili.

³Quema ayacmo hueli nimotlanana, nechmaca yancuic chicahualistli. Yaya nechyacana ipan ojtli xitlahuac para nijchijtinemis catli cuali, huan quej nopa nochi quihueyitlalise.

⁴Masque ninemis ipan tzintlayohuilotl nechca miquilistli, amo tleno niquimacasis, pampa ta, TOTECO, tiitztoc nohuaya. Ica mocuatopil techmanahuía ica catli amo cuali. Huan ica mocuachijcol catli huehueyac techtilana quema seyoc ojtli nijtoquilisnequi.

⁵Techsencahuilía se cuali tlacualistli iniixpa nocualancaitacahua. Ica aceite techpajtía campa nimococojtoc. Techtiochijtoc hasta mocahua.