Miti Mânec 23:1-5

¹Wofuŋ e lama‐ticne nore soŋaŋ, no wiac moc mi basapemu.

²Kecɋaŋ geunao enareme waha fomanaekopac, opâ heririŋ toma biaŋnao jowacnuekac.

³E maŋ qâqâtâc‐nane gumeqiŋneekac. E ʒâŋe biŋe‐ticnere erâ, tiŋne hatao jowacnu raekac.

⁴Wâc tucduŋ fotâcnehape duŋdapâczi foŋnume, sifu sisipiricte mi hâwicnuocmu; wiac go nohec jukic i, ɋarucge â gunuge jahe hemiriŋnukopirec.

⁵Go tiwâ ʒepec bâmocke‐nareekic, kisâfâc‐nane jaŋere maio. Go qizec‐nane tokic ruacneekic, â kâdoc‐nane hefuseekic.