SALMOS 21:3-11

³Techsehui nitlanahuatijquetl ica hueyi tlatiochihualistli, huan techicpahuiltijtoc se corona catli senquistoc oro.

⁴Nimitztlajtlani techcahuili ma huejcahuas niitztos, huan nelía techmacatoc se nemilistli catli huejcahuas para nochipa.

⁵Techpalehuijtoc ma nitlatlani miyac ica mohueyi chicahualis. Huan yeca por ta, nochi nechhueyitlepanitaj, na nitlanahuatijquetl, huan nechhueyitlalíaj.

⁶Techtiochijtoc ica catli huejcahuas para nochipa, huan nelhueyi nopa paquilistli catli nijpiya pampa timocahua nohuaya.

⁷Na nitlanahuatijquetl nimotemachía ipan ta, TOTECO. Quena, nimotemachía ipan mohueyi teicnelilis ta Catli Más tiHueyi, yeca amo aqui huelis nechtlanis.

⁸TOTECO, ica mochicahualis tiquinajsiti nochi mocualancaitacahua. Ica monejmac tiquinitzquis nochi catli mitzcualancaitaj.

⁹Quema timonextis, inijuanti tlatlase moixpa quen itztosquíaj ipan se horno catli xahuantoc. TOTECO, quema tiquintlajtolsencahuas, mocualancayo quintlamitlatis.

¹⁰Tiquintzontlamiltis hasta ininconehua huan iniixhuihua.

¹¹Masque masehualme catli amo cuajcualme mitzcualancaitaj huan quisencahuaj catli amo cuali mitzchihuilise, amo quisas cuali catli moilhuijtoque.