SALMOS 147:1-9

¹¡Le wká'n ẕen X̱anžo Dios! Nak chawe' goḻžo da' we ḻawžo Dios chežo. Dot ḻáže'žo žaḻa' wká'n ẕenžo-ne'.

²X̱anžo Dios yeyone' yež Jerusalén. Yechi'e benne' Israel ka' zej zoe' yež zi'to' ka'.

³Žeyone' benne' ka' nyache' ḻáže'gake', na' ẕde'e ḻégake' laže' gan zej žia we' chégake'.

⁴Nnézkzele' baḻ belj ka' nníta'gaken. To to belj ka' žwe'e lan.

⁵Ẕente nak X̱anžo Dios, na' nape' dot yeḻa' wak. Bi be de da' bi žejni'ile' Ḻe'.

⁶X̱anžo Dios žákḻene' benne' gax̱jw ḻaže' ka', san ẕzex̱jwe' benne' wen da' ẕinnj ka'.

⁷¡Le goḻ da' wká'n ẕenle X̱anžo Dios! ¡Le goḻ, na' le wchínnj da' ka' ẕgoḻ-le ḻaw Dios chežo!

⁸Ḻe' ẕnnite'e bejw ka' ẕan ya'abá. Ḻe' žseḻe'e nis yejw ḻo yežlyó. Ḻe' žone' ga žiagak yíx̱e'do' ka' ḻaw ya'a ka'.

⁹Ḻe' ẕneẕjwe' da' žawgak bia yix̱e' ka'. Ẕneẕjwe' da' žawgak sechjdo' ka', bia ka' ẕbéžeya'agakba'.