SALAMO 147:1-9

¹Iehova ba imodaia. Badina be eda Dirava ihanamolaina anedia baita abi be namo; badina be ia na mai hariharibadana, bona heimodai anena iabina be namo.

²Iehova ese Ierusalem e hadaiamu, Israel taudia vada e hakarohodia na ia ese e haboudia loumu.

³Dara doko taudia na taudia e halodiamu, bona berodia e kumidiamu.

⁴Ia ese hisiu na e hagaudiamu, bona iboudiai na ladadia e henidiamu.

⁵Dirava na bada, ena siahu na bada herea, ena aonega na asi hahetohona.

⁶Vada a moidia tao taudia na ia ese e abidia isimu, a kara dika taudia na ia ese tano ai e tahodia dobimu.

⁷Iehova ihanamolaina anedia bavabi; eda Dirava na gitara anedia amo ba hamoalea.

⁸Ia ese guba na ori amo vada e ḡovaia ahu; medu e heḡaeḡaelaiamu, tanobada ena, bona rei e hatubuamu ororo ai.

⁹Uda ḡaudia na adia e henidiamu; mukou natudia e taimu negadia ai na ia ese e ubudiamu.