SALMOS 119:138-144

¹³⁸Nochi motlajtol xitlahuac huan temachtli para ipan ma timotemachica.

¹³⁹Nelía nimotequipachohua huan nicualani, pampa nocualancaitacahua amo quitlepanitztoque catli ta tiquijtojtoc.

¹⁴⁰Nochi moley nijyejyecojtoc huan niquitztoc para nelía tlatzejtzeloltic. Yeca niquicnelía.

¹⁴¹Nelía niteicneltzi huan miyac amo quinequij nechitase, pero na amo niquinelcajtoc motlanahuatilhua.

¹⁴²Ta tijchihua catli xitlahuac para nochipa huan moley senquistoc melahuac.

¹⁴³Ipan na huetztoc tequipacholi huan tlaijiyohuilistli, pero motlanahuatilhua san ya nopa nechyolchicahuaj.

¹⁴⁴Motlajtol nochipa xitlahuac. Techmaca tlalnamiquilistli para nijmachilis huan quej nopa huelis niitztos.