1Peteg di iliw ko en sik-a, Yahweh ay Diyos ko. Sin am-in ay biyag ko et sik-an inan-anap ko. Kamanak namgaan ay lota ay siyat masibogan, din ab-abiik ko et masapol nay kawadam.
2Mailak komas sik-a sin oneg di Timplo ta ilaek din panakabalin ya kinadiyos mo.
3Din adi manbalbaliw ay layad mo et nabanbanol mo din mismo ay biyag ko, isonga ikankantak din dayaw mo.
4Idaydayaw kos sik-a engganay mapap-eng di biyag ko, kankanayon ay ikakayang kon takkay ko ay mankararagak en sik-a ay Apo.