1Judá parti chunyajcho caycashpan David isquirbishan alabansa. ¡Tayta Dios, gammi canqui Diosnë! Gamtami fiyupa ashiycä. Gamwan iwal caytami munä. Gampa buluntäniquitami llapan shongöpa rurayta munä. Gamwan caytaga munaycä chaqui jirca yacuta munaycajnörämi.
2Rispitädu Wasiquiman aywayta munä munayniquiwan rurashayquita ricanäpämi; gam imanöpis cashayquita ricanäpämi.
3Cawaypitapis masga cuyamänayquitami munä. Cantashpämi alabashayqui.
4Cawashäyäga alabaycäshayquimi. Mañacushpäpis gamllamanmi maquëta jogarimushaj.
Salmos 63
Salmos 63:1-4