SALMO 19:1-8

¹Kawananchi sielu yachachiwanchisapa Tata Dios tukuy laya atipak kananta. Sieluta kawashpanchikuna yachanchisapa Tata Dios tukuy layata rurashkanta.

²Diyan diyan sieluka yachachiwanchisapa Tata Dioslla tukuy layata rurashkanta. Tutapipish sieluka yachachiwanchisapa Tata Dios alli yachak kananta.

³Sielu mana rimakuptin uyarishpanchikunapish allita yachanchisapa Tata Dios tukuy layata rurashkanta.

⁴Tukuy allpa kuchun mañanpi kawsak runakuna sieluta kawashpa yachanchisapa Tata Dios tukuy layata rurashkanta. Payka intita sielupi wasinpishina churashka.

⁵Intika suk novioshina kasaranan diya kushikushpa wasinmanta kallpan. Premyunta chaskinanpa kallpak runashina kushikushpa llukshin.

⁶Intika llukshimunan ladumanta yaykunan ladukaman purin. Mana ni pi rupayninmanta kishpinchu.

⁷Tata Diospa kamachikunankuna sukaman allimami. Sampayaptinchi animuchiwanchi. Paypa rimananka mana llullachiwanchisapachu. Mana yachaptinchikuna yachachiwanchisapa alli yachak kananchikunapa.

⁸Tata Diospa rimanan allima kashpa kushichiwanchisapa. Paypa kamachikunankuna sukaman allima kashpa lampara llipyakshina lusichiwanchi yachananchikunapa allita rurashpa kawsayta.