GWAY GI IDAWUU’D 19:1-8

¹Aris momis uni ṯorki monyca ma Arumgimis mo, dhala balany bahki miin tom piti ki me’d mo.

²Ka yempa/ ka yempa/ mo a’di ki gac̱ gwonṯor piti mo, dhali mon’thiny ka yempa/ mon’thiny mo tani a’di ki ṯor monyiṯẖ piti mo,

³Mowal ’twa/ p̱iyi’d mo walla gwo p̱iyin mo, dhali ’twam buni si’da/ ’konuki ciḵ mo tani

⁴hili ’twam buni a’di yaki’d ka pije/ e mony’ceshi ’baar mo, dhali gwom buni a’di yaki’d ki ’pemen gi mony’ceshi ’baar mo. E uni mo a’di ki kar gu’ba’ku/ goma tente/ mmodi mo,

⁵a’di jin sulki’d ka pije/ me’d wathinyaŋa’b jin dhalki gu’b jin isha a’di ’pen mo dhali wa e ki wathi/ jin ’bitha’bi’th jin guski’d mmo’baar bway piti ki moŋ’kuny bwa mo.

⁶Mosul piti a’di ’peni ’pemen ma ris momis mo, dhali mo ma kul is piti a’di taki’d gi ’pemen e uni mo, dhali toŋ kamu/ yisa di’da jin mishu bag mo ’peni mo ma wur wur piti mo.

⁷Gwoŋḵan jin c̱inu gi Tap̱a mo tani a’di ’boro’d ki isi ’bor gana/ mo, a’di jin warki’da ḵashira/ is mo, dhali gwonyc̱i gi Tap̱a a’di doshki’d mo, mmodhu uni gun ’ka’da mii ’ba/ ki moyuḵ mo,

⁸gwoŋḵan gi ’twa/ gi Tap̱a mo tani uni yisa shiyina, hili uni ’kunykina du mo be. Dhali gwoŋḵan gi Tap̱a jin ’kwarkunu mo tani a’di dheleladhelel mo, a’di jin kushki e gi ’kwani mo.