Pesalem 19:1-8

¹Undambê kêwaka Anôtônê wae sa ma umboŋ gêjac eŋ lêma ŋakoleŋ ŋamiŋ.

²Geleŋŋa teŋ kêkêŋ biŋ tau ŋawae gêdêŋ geleŋŋa teŋ. Ma gêbêcauc teŋ gêwa kauc sa gêdêŋ gêbêcauc teŋ.

³Sêsôm biŋ atom ma sêsam ŋalô teŋ lasê atom. Lau sêŋô êsêac aweŋ atom.

⁴Mago êsêac aweŋ kêsa gêjam nom ŋagamêŋ samob auc. Ma nêŋ biŋ kêsa e jagêdêŋ nom ŋamadiŋ. Eŋ gê oc ŋabec teŋ aŋga tônê.

⁵Oc tau tonaŋ kêtôm sagu togêlôŋgeŋ kêsa gêmêŋ aŋga nê andu ma kêlêti kêsa nê lêŋ kêtôm ŋaclai teŋ totêtac ŋajamgeŋ.

⁶Kêpi aŋga umboŋ ŋamadiŋ teŋ ma kêlêti e jakêsêp ŋamadiŋ teŋ ma gêŋ teŋ gêc ênê ŋandaŋ su atom.

⁷Apômtaunê biŋsu mansaŋ kêlau katuŋ. Apômtau gêwa nê biŋ sa jagêdêŋ ma kêkêŋ lau meloc-meloc têtu lau tokauc.

⁸Apômtaunê jatu e jakêtôm ma gêgôm nêŋ ŋalêlôm e ŋajamanô. Apômtaunê biŋsu e ŋakêŋkêŋ laŋgwageŋ, tec kêpô aêac mateŋanô.