SALMOS 19:1-8

¹Nḻa' ḻaw ẕan ya'abá yeḻa' ẕen che Dios. Ẕcháḻjgakkze yógo'te da' ka' bene'.

²To ža ẕzenlen ža yoble da' ni, na' to yel žen' yel yoble da' na'kzen.

³Bi ẕkóngeklen žin x̱tíža'gak benne' ka', na' bi zoa no benne' ženle' chí'igaken,

⁴san ẕžin da' ẕnnágaken do ẕente yežlyó, na' ẕžingak x̱tíža'gaken dot yežlyó. Dios bene' ya'abá ka to yo'o gan zoa wbíž.

⁵Zildo' ẕḻan' ka to benne' byo ẕchag ne'e. Žebelen ka to benne' ẕzá'ḻi'e.

⁶Ẕžojen cheḻa'ale gan ẕḻan', na' ẕžinen cheḻa'ale gan ženen. Ẕcha'an yógo'te da' zej den.

⁷Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.

⁸Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'.