Samu 119

1

2

8

14

15

16

19

22

23

24

27

32

33

34

37

40

42

43

46

47

49

51

63

65

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

132

137

139

145

148

150

⁹⁷Nambame embena mawa pii dupwa mona nyepala yuu peparae kaeya nao suu pyao karo.

⁹⁸Embena mawa pii doko yuu peparae namba keta silyamo dokona dokome nambana yanda pimwai pipya namba nyuo mona palenge inginyi pyambulyamo.

⁹⁹Nambame embena dopa pinya dapa pinya lao mana lenge dupwa poraiyuo suu pyao minyapu dokona mana lenge dupwa pipya mee mende ulipili ingyuo soo karo.

¹⁰⁰Nambame embena mawa pii doko kamba laa nao karapala dokome akali andapae karaminyi dupwana nambana soo nyingi renge doko andake ingyuo palipyamo karo.

¹⁰¹Emba suu pingi doo minyalana suu pyapala Satanena kata dupwa wasinyi nembo karo.

¹⁰²Emba rangeme namba mana langilini dokome embena mawa pii dupwa soo nemba nalyo.

¹⁰³Embena pii doko nakanju sipunupa amburali ipwangena rende dupwa nyuo isa palyuo silyamo.

¹⁰⁴Nambame embena lowana soo nyingi renge soo nyipundeme kata koo dupwa epe kanda nalyo.

¹⁰⁵Embena pii doko lambeme pinginyili pyuo namba kata lasaka pingi. Dopa pyuo namba pelyono dokona kendali ingyuo namba rao lanyuo penge.

¹⁰⁶Nambame embena mana pii rolae doko rape rape lao minyuo yaki nyii naroŋo lao pii lalu lao lenge ingyuo andakena palyuo lao retapunu pilyamo.

¹⁰⁷Namba kopeta kapeta randa nyilyu dokona Kamongo embame namba lete nyero lao lao kaene dokona palyuo pipi.

¹⁰⁸Nambana sangyu lao leto pii doko Kamongo embame soo nyepala embena mawa pii dokona mana langipi.

¹⁰⁹Randa ipyamo dokona mee mona kumapala pyuo karo. Embame lowadoko kame see nao pyuo karo.

¹¹⁰Akali koo dupwame nambapa randa jinya puu anga retaminyipape nambame embena mawa pii doko kamba laa nalyo.

¹¹¹Embena mawa pii dupwa namba rangena ingyuo minyuo karalu kararo. Mawa pii dupwa nambana monarena raeme kumunginya renge doko ingyuo silyamo.

¹¹²Nambame embena mawa pii kuki dupwa rape rape lao minyuo paronopa kumarono dokopa otaraŋa lao suu pilyu.

¹²⁹Embena mana pii dupwa kamame wakasa. Nambana monarename pii dupwa kamba laa nao karo.

¹³⁰Embena mana lenge doko pano eŋa papala yakara pingi wambu dupwa soo nyingi renge maipinyipa soo karaminyi.

¹³¹Nambaembena mawa pii doko ipwa ingyuo nano pipyasa suwa ingyuo make make lyepala nanumi kumulyu.

¹³²Embena mona retenge dupwa kando pingi dokosuu pyao namba lenge kambu joo sakame kumuo karape.

¹³³Satanena kata dupwame namba nyuo anamasi minyuo isa nembena lao baa panda mai naro lalu lao leenyili pyuo mai napipi.

¹³⁴Wambu namba keta randa jerami dokona kiiramo nyepe. Nyerenepa embena mawa pii dupwana rape rape lao piruwale.

¹³⁵Embame namba eŋa nembapala embena lowa dupwa mana langipi.

¹³⁶Wambu dupwame embena mawa pii doko minya namisa nambana ee doko ipwa ingyuo guu lao karapyamo karo.

¹³⁷Kamongo emba rolaena renge dokona embena lowa doko rolaeyako ingyuo silyamo.

¹³⁸Embena mawa pii kuki ingyuo lapo leene dupwa rolae dokona palyuo kapako ingyuo pelyamo.

¹³⁹Nambana nyisu petenge dupwameemba lapinyi doko sili see nale lamisa imbu singi wakasa nyilyu.

¹⁴⁰Namba embena lalu lao leene doko angi piraŋa doko soo kaepala mona nyuo karo.

¹⁴¹Namba embapa manda daa dokona nakamame namba kando ipyarami ingilya kande. Dopa pipyamopape embena mana piikuki ingyuo retenge dupwa yaki nyii nalyo.

¹⁴²Embena rolaena renge dupwa mee kulisa pao sulu seramopa embena lowa dupwa yuu mendepape kyambo ingya nara.

¹⁴³Namba keta randa renge simbuo sipyamosa mona randame kumulyu. Dopa pipunupape embena mawa pii dokome namba rae mainyi pyambulyamo.

¹⁴⁴Embena mana langingi yulu dupwa katalunji nembo silyamo. Namba singinya renge jerenepa kararole lao pisilyu.