Süleymanin Məsəlləri 27:7-15

⁷Toxun könlü şanı balını belə, rədd edər, Lakin ac olana acı şeylər belə, şirin gələr.

⁸Yurdundan ayrı düşən insan Bir quş kimi yuvasından ayrı düşür.

⁹Gözəl ətir və buxurun ürəyə verdiyi ləzzət kimi Dostun nəsihəti də insana xoş gələr.

¹⁰Həm öz dostunu, həm də atanın dostunu tərk etmə, Dara düşəndə qardaşının evinə getmə. Yaxın qonşu uzaq qohumdan yaxşıdır.

¹¹Oğlum, hikmətli ol, qoy qəlbim sevinsin, Onda məni utandırana cavab verə bilərəm.

¹²Uzaqgörən qabaqcadan şəri görüb ondan qaçar, Cahil isə irəli çıxar, ziyan tapar.

¹³Özgəyə zamin duranın libasını al, Onu qərib qadın üçün girov saxla.

¹⁴Kim ki qonşusunu sübh erkən ucadan salamlar, O zaman salamı söyüş sayılar.

¹⁵Davakar qadın yağışda daman damcıya oxşar.