4Oi! Lɛnlo! À tó Luda gↄ̃ yãpura vĩ, bee kũ gbɛ̃ sĩnda pínki bi ɛ́kɛdemɛ, lákũ ò kɛ̃̀ Luda yãn nà ò pì: Tó n yã ò, n yã nigↄ̃ zɛ́ vĩ, tó n yãkpatɛ kɛ̀ kũńwo, n yã ni ble.
5Tó ó vãnikɛ dì Luda manakɛ bo gupuraa, bↄ́ yãn óni oo? Óni pi Luda vãni kũ àdi pↄfɛ̃ kipawá yãin yá? Matɛn o lán bisãsiri onaa bàmɛ.
6Oi! Lɛnlo! Tó Luda yãzɛ vĩro, à kɛ̀ dera ani fↄ̃ à yãkpatɛ kɛ kũ anduniaoo?
7Gbɛ̃ke ni pi, tó a ɛ́kɛkɛ tɛn Luda náani kara, akũsↄ̃ àtɛni a tↄ́ bo, bↄ́yãi ani yã daala lán durunnakɛrii bàa?
8Tó n ò lɛ ntɛni pi ò yã vãni kɛ, yã mana ni bon. Gbɛ̃kenↄ ma tↄ́ vãni sì ò pì lɛn madì o lɛ. Luda yãdanlana kↄ̃ sì kũńwo.
9Tↄ̀! Ókↄ̃nↄ Yudanↄ ó sã̀nan yá? Lɛnlo fá! Zaakũ ma Yudanↄ kũ buri pãndenↄ bòbo ń dàn ń pínki kↄ̀, ń pínki bi durunna zↄ̀nↄmɛ.
10Ò kɛ̃̀ Luda yãn ò pì: Gbɛ̃ke manaro, bee mɛ̀n do.
11Laakaride ke kunlo, Luda ki wɛtɛri ke kunlo.
12Ò sã̀sã ń pínki ò gↄ̃̀ dↄ̀rↄↄ sari, yãmanakɛri ke kunlo, bee mɛ̀n do.
13Ń kòto de lán mira wɛ̃naa bàmɛ. Òdi lɛ́nna kɛńnɛ, ń lɛ́gbɛ bi pitiko sɛwɛmɛ,
14yã ĩni kũ gbɛ̃kanaao ń lɛ́ pà.
15Ò wãna kũ gbɛ̃dɛnaao,
16òdi suńyĩ kũ kisirao kũ wɛ́tãmmao,
17ò aafia zɛ́ dↄ̃ro,
18ń wɛ́ dìgↄ̃ Luda wé'i vĩro.
19Ó dↄ̃ kũ Luda doka pínki de gbɛ̃ kũ ò na doka pì ↄĩnↄ pↄ́ ũmɛ, de gbɛ̃ sĩnda pínki lɛ́ gↄ̃ nakↄ̃ana, andunia gbɛ̃ sĩnda pínki gↄ̃ taaride ũ Luda kĩnaa.
20Zaakũ gbɛ̃ke ni bo mana Luda kĩnaa doka pì kũna yãiro. Luda doka mɛ́ àdi tó ò durunna dↄ̃.
21Deran Luda dì tó yã bo kũńwo nna nà bò gupuraa sà, lákũ a yã kɛ̃na Musa doka kũ annabinↄ takadanↄ gũn nà. Adi kɛ a doka kũna yãnlo.
ROMUDENƆ 3
ROMUDENƆ 3:4-21