7Lak xaa mbezh: “Wen naka chelee na nkade na nel zee mas klar nlu re kwaan wli cheen Dios, zee nlu wen nak Dios. Cheleeya sbaa naka, zee nanzhaalt naab Dios kwent lo na, kwent cheen re kwaan nawent kwaan mle na.”
8Chol sbaa naka, zee nzho mod yé be: “Nzhaal le be re kwaan nawent, zee mas klar luu kwaan wen”. Lak xaa mbezh sbaa nlu nu, per nawlit xaaya, telisa lee Dios ted xaa ba bid.
9¿Cho kwaan nzak gu? ¿Che re nu, xaa Israel, nak xaa xwara lo stub naz myet? ¡Nawlita! Nel mod mkeela na, Dios naab kwent lo rese xaa, lo re xaa dii Israel nu noka lo re xaa nanakt dii Israel.
10Nel lo Xkyech Dios nzhé: ¡Nik tub xaa nali nyent! ¡Nik gola tub xaa!
11Nik tub xaa nanzaat yek, nu nik tub xaa nankwaant Dios.
12Rese xaa mlaa Dios, rese xaa mzen naz nawent, lal ngok rese xaa zee nyentra sirb re xaa. ¡Nik tub xaa nle kwaan wen nyent! ¡Nik gola tub xaa! Sal. 14:1-3
13Lee yeer yenn xaa nak mod baa kwaan nzoxal, nu roo xaa nroo kwaan nkade xaa. Sal. 5:9 Nu re wdizh kwaan nii xaa nak mod xtox mball. Sal. 140:3
14Nu kwaan roo xaa nge xaa lo re myet nu nii xaa re wdizh nala lo re myet. Sal. 10:7
15Nu kwaan rop nii xaa nrexonn xaa, gut wechxinn xaa.
16Palpa nzha xaa nle xaa ndil re myet nu nted xaa re myet bid.
17Nu nanlabeyyt xaa naz kwaan nle zee kwi wen re xaa. Is. 59:7-8
18Nu tira nanzhebt xaa ne xaa Dios. Sal. 36:1
19Nela be, rese kwaan nii ley cheen Dios, leeya nii lo re xaa ngwii lo ley. Kwaanzee nik tub myet nyent mod né: “Nanet na cho kwaan nak jwalt”. Nel Dios naab kwent lo rese myet.
20Nyent mod zo wen myet kwaan Dios nel ngwii xaa lo ley. Nel nebse non ley, zee luu, be nak tub xaa nzeb jwalt.
21Per nal mlu Dios nen xomod zo be nali lo xaa, nu nanakta nel ngozhaw be ley cheen Ches, nel leeka ley nzaa kwent xomod nzhaal zo be nali lo Dios nu noka re xaa yilo, xaa mzaa kwent kwaan nzhé Dios lo lee xaa, mzaa kwent xomod nzhaal zo be nali lo Dios.
22Nu nali nzo be lo Dios nal, nel ngwii be lo Jesucrist. Nu kwent cheen xaa rese myet nzho mod zo nali lo Dios nel delant lo Dios lal nak re myet.
Romanos 3
Romanos 3:7-22