Walumi 3:7-22

⁷Mna “Uneva udanti wangu walagisa pwilili uchindedi wa Chohile, elo ni mbwani naho miye nikantilwe saviya mta masa?”

⁸Chigeze! “Chidamanye vihiye chani kulaile vyedi”? Chindedi kuna wantu wamwenga wakunihuluta vihiye kugamba silonga ivyo. Wantu awo nawakantilwe saviya vikuwawagila.

⁹Chigeze? Suwe Chiwayahudi wedi kujinka wantu wa si ntuhu? Bule! Siwalagisa kale kugamba Wayahudi na sawo Wayahudi wose walongozwa ni masa.

¹⁰Saviya viwandikwe kugamba. “Hahali awoneke ywedi kulongozi kwa Chohile,

¹¹Hahali mntu mta umanyi, hegu mntu akumlonda Chohile.

¹²Wose wamhituka Chohile, wose watenda wavu, hahali akudamanya vyedi, hahali hata yumwenga.

¹³Milosi yawo imema wihi, limi zawo zimema udanti, walonga mbuli zikutisa saviya usungu wa nyoka,

¹⁴milomo yawo imema maligito na ukali.

¹⁵Viga vyawo vyagulukila kukoma wantu,

¹⁶aho nawaite wahosa ndilo na masulumizo.

¹⁷Sila ya utondowazi hawaimanyize,

¹⁸Hawakumogoha Chohile.”

¹⁹Chivimanya kugamba Sigilizi ni ya wadya wakulongozwa ni Sigilizi iyo, hahana hata yumwenga natende nachakwegombela isi yose naikantilwe ni Chohile.

²⁰Kwaviya hahali mntu yeyose akuwoneka ywedi kulongozi kwa Chohile kwa kudamanya viya Sigilizi zakwe zikunga. Ndima ya Sigilizi ni kumlagisa du mntu kugamba kadamanya masa.

²¹Mna haluse, sila ya Chohile ya kuwazumila wantu kutenda wedi igubulwa kale, naho siyo kwa sila ya sigilizi, hata ivyo mawandiko ya Sigilizi na ya wawoni yaukula mwe mbuli ino.

²²Chohile awatenda wantu wawoneke wedi kwa sila ya uzumizi mwa Yesu Kulisito. Chohile adamanya vino kwa woseni wakumzumila Kulisito, kwaviya hahana vyesimile mgati mwawo,