Rom 3:7-22

⁷Be uma banegidima ta riuriuna, “Tauda dà yawasanama kaikaiyovudie banaga Mamaitua na riukauama ta kaikai suḡuna, tokare aba aubainama Mamaitua sibo e kovoḡida? Inam nam i verena,

⁸agunai gewagewa tà kaigurate be Mamaitua tà sagu da vere e kaigurate.” Inam banegidima tawai tupakaiyovuna da taugu kabe nama e rarau guguya. Ya verena da taudi tokare kovoḡa ta paḡo.

⁹Be yodi nemanama? Tauma Jius veremai, nam banaga ḡesaudima maika, bo? Ibewa! Baninama kaite è riuna da Jius be banaga ḡesaudima matabudi gewagewa banegidima.

¹⁰Maika girugiruminama porane ya riuriuna nama, “Nam aitau tenaḡa didimana banegina, naumeki ibewa ḡoma.

¹¹Be nam aitau tenaḡa nuauyauya banegina, be nam aitau tenaḡa Mamaitua na kedama ima wanewanena.

¹²Matabudi Mamaitua a mia tautauriena, be yodi matabudi nam banibiribiridi.”

¹³“Taudi gayedima kokoaga gayedima maika be adi giuma kaikaiyovudi be gewegewedima.” “Taudi menedima maika mota sarama.”

¹⁴“Taudi mududie waitaratautau be nopodima nuaḡoraḡora ya moḡavuna.”

¹⁵“Taudi tauwai guri makai banegidima,

¹⁶be adi yawasanae raukivigewagewa be nuaboya ya moḡavuna,

¹⁷be suba kedanama nam ti kataiena.”

¹⁸“Taudi Mamaitua nam tima vivivivirena.”

¹⁹Yodi tè kataiena da aitauḡa tarawatu ewai badedina taudi sibo tarawatu matabuna a voteyeteyedina. Vutuna aubainama taudi tokare nam ta gudutara be teneteneḡina. Be ibewa da banaga dobu matabuna nopone Mamaitua na etarae tà miamiana.

²⁰Vutuna aubainama aitauḡa tarawatuḡa tawai muriwatanena taudi Mamaitua matane nam didimanidi. Baninama tarawatu nam e voie da tauda didimana tà banavi, ibewa be tarawatu na noyama inam ei kataidana da deḡo tauna gewagewa be deḡo tauna vere.

²¹Be yodi didimana kedanama Mamaitua yai maḡatarina inam ḡavoe, be nam tarawatue. Be peroveta be tarawatu uma kedanama vaunama ai matematena.

²²Yodi Mamaitua banaga e kawa didimanidina, aitauḡa Yesu Keriso ḡarone tawai sumaḡana, avedi da tauda noḡone banaga vereda bo gewagewadama,