Psalms 58:5-11

⁵se kariimet bo ta ikia duap duap te nunga lila awurokko me terong, nuna node sisi saparam.

⁶O Yawe, ni nuguring ningi nogore kulukumur ale nunga norogen sail biagerko!

⁷Nunga menawur se yu palengoso nama maraka namoso iwita maraka namamonko; ale nunga gatu mare iwita nunga kulukumu waruko.

⁸Nuna tanan worem nunga kaiso se pasak ala kua namasan iwita, kua maraka namamonko; nuna kuriang gugum motam worem me ariga la kua namara iwita, kua namamonko.

⁹Kaem kani tama kuamili awote me karso la, nu kariimet memek mu garuk te, se kulak te, pasak ala nunga sarumu warukko.

¹⁰Kariimet memek bitawara mu nunga memek koma tamon se kariimet ningo diram mu nungarkamon ale amilmilamonko; kariimet memek mu nunga gue kaparuk se kariimet ningo mu awote aolak ilumonko.

¹¹Asele kariimet balmon, “Nunguningta, Kaem kariimet ningo diram mu koma ningo nungarso; Kaem nunguningta baga se munan diram te ali lilim la tuteso.”