Zebur 58:5-11

⁵Meyli yilanchilar shunche chirayliq séhirlisimu, U ney awazigha qet'iy qulaq salmaydu.

⁶I Xuda, ularning aghzidiki chishlirini sunduruwetkeysen! Mushu yash shirlarning tongkay chishlirini chéqiwetkeysen, i Perwerdigar!

⁷Ular éqip ketken sulardek ötüp ketkey; Ular oqlarni chenlep atqanda, Oqliri uchsiz bolup ketkey!

⁸Qulule yol mangghanda izi yoqilip ketkendek, Ular yoqap ketsun; Ayalning chüshüp ketken hamilisidek, Ular kün körmisun!

⁹Qazan yantaqlarning issiqini sezgüche, (Meyli ular yumran péti, yaki ot tutashqan bolsun) U ularni tozutiwétidu.

¹⁰Heqqaniy adem Xudaning intiqamini körgende xushal bolidu; Öz izlirini rezillerning qénida yuyidu.

¹¹Shunga ademler: «Derweqe, heqqaniylar üchün inam bardur; Derweqe yer yüzide höküm yürgüzgüchi bir Xuda bardur» — deydu.