Psalms 4:4-8

⁴Nina nguanga se munan memek me beteralko; ninga anira kuwim te taga aniral kutek mal ale nengemang motam ninguru ko ikialko.

⁵Yawe tama bita tua mu diram la beteral, ale nu la kote loaga se lagaralko.

⁶Kariimet suen biya esesan, “Awiri nanga sanguk se daiga bagara ningo ariginakko?” masan. Se Yawe, nika gemang lila te ka ningo nuam anananga nangimik te bitarko.

⁷Se tom na inang se waen iru sor magaruk mu ani ninguru amilmilarikko.

⁸O Yawe, ni la aga bitarsam, se ani terong bagasam. Buta se ani mel bo ko me nguangasam; ani taga anisam mu lila te ani kuesam.