SALMOS 4:4-8

⁴Yonque inhuihuipicaj ica cualantli, amo xitlajtlacolchihuaca. Quema inmotectose ipan imotlapech huan ax tleno molinía, ximoyolilhuica tlen eltoc ipan imoyolo.

⁵Xijchihuaca tlen quinequi TOTECO huan ya nopa elis queja inquimacasquíaj se tlacajcahualistli tlen quipactía. Quena, ximotemachica ipan ya.

⁶Miyac quiijtohuaj: “Axaca huelis techpalehuis.” Pero ta tihueli, TOTECO. Titechcualita huan titechtiochihua.

⁷Ta tijtlalijtoc ipan noyolo más paquilistli, huan ax queja tlen quipiyaj tlacame tlen quipixcaj miyac trigo, o quipiyaj miyac xocomecatl iayo.

⁸Yeca na nimotecas ica paquilistli ipan noyolo huan ica cuali nicochis, pampa nijmati san ta, TOTECO, tinechmanahuía huan axaca huelis tleno nechchihuilis.