Psalmaro 21:4-11

⁴Vivon li petis de Vi; Kaj Vi donis al li longan vivon por ĉiam kaj eterne.

⁵Granda estas lia honoro pro Via helpo; Gloron kaj majeston Vi metis sur lin.

⁶Vi donas al li eternajn benojn; Vi gajigas lin per ĝojo antaŭ Via vizaĝo.

⁷Ĉar la reĝo fidas la Eternulon, Kaj pro favoro de la Plejaltulo li ne falos.

⁸Trovos Via mano ĉiujn Viajn malamikojn, Via dekstra trovos Viajn malamantojn.

⁹Vi similigos ilin al brulanta forno, kiam Vi koleros; La Eternulo englutos ilin per Sia kolero, Kaj fajro ilin formanĝos.

¹⁰Ilian naskitaron Vi ekstermos de sur la tero, Kaj ilian semon el inter la homidoj.

¹¹Ĉar ili preparis malbonon por Vi, Pripensis atencon, sed ne povis ĝin plenumi.