SALMOS 21:4-11

⁴Nimitztajtani techcahuili ma huejcahuas niitztos, huan nelía techmacatoc se nemilisti cati huejcahuas para nochipa.

⁵Techpalehuijtoc ma nitatani miyac ica mohueyi chicahualis. Huan yeca por ta, nochi nechhueyitepanitaj, na nitanahuatijquet, huan nechhueyitalíaj.

⁶Techtiochijtoc ica cati huejcahuas para nochipa, huan nelhueyi nopa paquilisti cati nijpiya pampa tiitztoc nohuaya.

⁷Na nitanahuatijquet nimotemachía ipan ta, TOTECO. Quena, nimotemachía ipan mohueyi teicnelilis ta Cati Más tiHueyi, yeca amo aqui huelis nechtanis.

⁸TOTECO, ica mochicahualis tiquinajsiti nochi mocualancaitacahua. Ica monejmat tiquinitzquis nochi cati mitzcualancaitaj.

⁹Quema timonextis, inijuanti tatase moixpa quej itztosquíaj ipan se horno cati xahuantoc. TOTECO, quema tiquintajtolsencahuas, mocualancayo quintamitatis.

¹⁰Tiquintzontamiltis hasta ininconehua huan iniixhuihua.

¹¹Masque masehualme cati amo cuajcualme mitzcualancaitaj huan quisencahuaj cati amo cuali mitzchihuilise, amo quisas cuali cati moilhuijtoque.