Salmos 21:4-11

⁴Cawananpaj mañacamushuptiqui yanapashcanqui. Achca wata cawananpämi bindisyunta goshcanqui.

⁵Yanapashayquipitami pï-maypis rejsin. Yanapashayquipitami rispitädupis caycan.

⁶Imaycamapis alli cawananpämi bindisyunta goshcanqui. Gam yan'gaptiquimi fiyupa cushisha goyaycan.

⁷Rayga Tayta Diosmanmi yäracun. Tayta Dios cuyacoj captin payman yäracun. Chaymi imaypis mana allimanga mana chayangachu.

⁸Tayta Dios yanapäshushayquipitami llapan contrayquicunata binsinquipaj tayta ray. Derëchu caj maquiquimi llapan chiquishojcunata binsenga.

⁹Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.

¹⁰Fiyu runacunapa wamrancunataga illgarachengami. Chay runapita mirajcunataga ushajpämi usharenga.

¹¹Chay runacuna imata rurashuyta munashpanpis imata rurashuyta yarpashpanpis manami imatapis rurashunquipächu.