Potiyovo 13

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Bada, Mousis i giuwena gado,

²“Libilibi oloolotodi tautautuwaḡa ba ko vine kamaḡedi tagu aubaigu. Libilibi oloolotodi tautautuwaḡa Islael noponemo bi ḡamoḡamo geigei tubuḡidi oloolotodi ba Bada aubaina.”

¹¹“Bada kaka ya kapotiyovomi niga dobunemo bi Keinan lavedi edi dobu ya vitemi, wala emi magumagula bi temi lisimimo i giugiuwapana mainana. Laḡannemo ya vitemina,

¹²ba natunatumi oloolotodi tautautuwaḡa bi ḡamoḡamo geigei tubuḡidi oloolotodi Bada ko vite, mba tana aubaina.

¹³Sipu natuna ko vai bi donki natuna olotona ko kune munaḡe. Bamoda mote koma kune ba donki iwana ko puneki. Bi natunatumi oloolotodi tautautuwaḡa matabudi ko kunekune munaḡedi.

¹⁴“Laḡan muliḡa natunatumi sai talayemina gado ‘Bai aubaina niga mainana ta voivoiye?’ Ba temi niga mainana ko giuwedi, ‘Tama Idip dobunemo ke wai taupaula yababa bi Bada ena ḡailisi dididiginemo i kaikamaḡemai.

¹⁵Bi geḡa te ḡalibona nopona i ḡaiḡai gulata bi mote i waianinemai te ka nawa. Taunana aubaina Bada libilibi oloolotodi tautautuwaḡa bi ḡamoḡamo oloolotodi Idip noponemo i wai pekidi. Taunana aubaina ḡamoḡamo olotona geigei tubuḡina kalaulau sewasewayena ba libilibi tautautuwaḡa ka kunekune munaḡedi.’

¹⁶Niga vaivaina ta voivoiyena ba mataila, te bainewa Bada ena ḡailisimo Idip noponemo i kapotiyovoda. Mba maibena mataila nimemimo bi solatapemimo.”

²⁰Islael lavedi Sakot a gose bi dobu isana Etam kalakalalelena isunemo a ḡalavu.

²¹Bi Bada suwalemo Islael lavedi i laulau etadoliyedina maibena giyou pwatapwatana. Bi dudubalemo ba maibena kai vavanina pwatapwatana i lailaiyanedi. Taunana aubaina tedi suwala bi dudubala a nawanawa.