Potiyovo 22

1

2

3

11

12

13

14

15

16

17

18

19

20

21

22

23

24

25

28

31

32

34

40

¹⁶“Bamoda oloto i ḡoe te guguini totopa vaitena sa kenana ba kamaina te matavoi guguini ena magula ya vitedi kaka ya naḡi.

¹⁷Bamoda waivini tamana bi olotona i dabokena ba kamaina te oloto manemo totopa ena magula yai mai'idi.

¹⁸“Bamoda aiyai waivinina ya yabuyabune ba kamaina te sa laipeki.

¹⁹“Bamoda aiyai olotona ḡamoḡamo i wai mwanemwanenayena ba kamaina te sa laipeki.

²⁰“Bamoda aiyai maimaituwa ḡesauna lisinemo ḡamoḡamo i lausewasewaye bi mote tagu Bada lisigumo ba lavana sa lai peki.

²¹“Tautavatava emi dobumo a tava bi sa miyamiyana mote koma laukivigebogeboyedi. Banina ko noḡoti te temi wala mainana Idipmo tautavatava kona miyamiya.

²²“Iwape bi kedakeda edi mwali matabuna mote koma vaḡaḡalidi.

²³Bamoda temi mainana ko voivoiye bi sa ḡaba saḡana tagu Bada lisigumo ba kalinedi yà vaiye

²⁴bi egu medi yà laukamaḡe te kepatemo yài pekimi. Bi mwanewanemi sa iwape bi natunatumi saila kedakeda.

²⁵“Bamoda egu lava wainuwatoitoidi bi mane kuna vitedina ba manena bainewa ena didiga kota mainana sai sipo. Bi mote kuma giuwedi te manena sima lai pwata bi sima vitem, maibena lava ḡesaudi sa voivoiyena. Tedi lava lisidimo sa nawa bi mane sa vai bi muliḡa sa giuwedi te mane sa lai pwata, kaka sa vitevite munaḡedi.

²⁶Bamoda em tau mane i waibaḡam te kuna vite bi mataila ba ena kwesi kuna vai ba tam kwa vite munaḡe, muliḡa kaka suwala ya bulu.

²⁷Banina mba galana ḡemotina ena kwesi. Bamoda galana mote kuma vite munaḡe ba bai yai kwesi bi ya kena. Bamoda mainana kwa voivoiye bi sagu aubaina ya ḡaba saḡana ba tagu ena ḡaba yà vaiye. Tagu ba laulaunuwatoigu.”