Bↄa 7 - Bibeli Luayãtaalá

Bↄa 7

Click on verse(s) to share them!

¹Ɔ̃ Dii ò Mↄiziɛ: Gwa! Ma n kɛ Falaↄ̃ↄɛ lamawa, ↄ̃ n vĩ̀i Aalona dɛ n yã'ona ũ.

²Yã́ pↄ́ má ònɛ píi o n vĩ̀i Aalonaɛ, i o Falaↄ̃ↄɛ aà Isailiↄ gbaɛ aa bↄlɛ a bùsuu.

³Ń beeo má aà swãfɛ̃ɛ̀. Má seelaↄ ń dabudabuↄ kɛ Egipi dasi,

⁴kási Falaↄ̃ↄ a á yãmao. Má ↄtↄ̃ Egipiↄwa, mí yã́kpalɛkɛńnↄ, mí bↄ ń ma zĩgↄ̃ ma gbɛ̃́ Isailiↄ.

⁵Tó ma bↄ ń ma gbãao Egipi, má Isailiↄ bↄlɛu, Egipiↄ i dↄ̃ sa kɛ́ mámɛmaa Dii.

⁶Ɔ̃ Mↄizi ń Aalonao kɛ̀ lá Dii ònɛ́wa.

⁷Gↄↄ pↄ́ aa yã'ò Falaↄ̃ↄɛ, Mↄizi wɛ̃̀ basiiↄ̃ɛ, Aalona sↄ̃ wɛ̃̀ basiiↄ̃ ń àaↄ̃o.

⁸Ɔ̃ Dii ò Mↄiziɛ ń Aalonao:

⁹Tó Falaↄ̃ↄ dabudabu gbɛ̀ama, o Aalonaɛ aà a go sɛ pã́lɛ aà aɛ, i li mlɛ̃ ũ.

¹⁰Kɛ́ Mↄizi ń Aalonao gɛ̀ Falaↄ̃ↄ kĩ́i, aa kɛ̀ lá Dii ònɛ́wa. Aalona a go sɛ pã̀lɛ Falaↄ̃ↄ ń a ìwaↄ aɛ, ↄ̃ à lì mlɛ̃ ũ.

¹¹Ɔ̃ Falaↄ̃ↄ Egipi wɛzɛ̃naↄ ń ɛsɛdeↄ sìsi, ↄ̃ aa dabudabupi kɛ̀ màa sↄ̃ ń ɛsɛdekɛ guu.

¹²Kɛ́ an baade a go pã̀lɛ, ↄ̃ an gopiↄ lì mlɛ̃ↄ ũ sↄ̃, ↄ̃ Aalona go ń pↄ́ↄ mↄ̀mↄ.

¹³Falaↄ̃ↄ swã́ yìaaɛ, i ń yãmao lá Dii òwa.

¹⁴Dii ò Mↄiziɛ: Falaↄ̃ↄ swã́ gbãa, à gì gbɛ̃́ↄ gbaɛi.

¹⁵Gɛ ǹ aà le zia kↄↄ, gↄↄ pↄ́ àlɛ gɛ́ swai, níↄ aà dã Niili saɛ we. Ǹyↄ̃ n go pↄ́ lì mlɛ̃ ũpi kũa,

¹⁶ní oɛ̀ ǹ mɛ, ma Dii Ɛbɛluↄ Lua mámɛ ma n zĩwà ǹ oɛ̀ aà ma gbɛ̃́ↄ gbaɛ aa gɛ́ ma sísii guwaiwaiu, kási e tia i mao.

¹⁷Ma Dii ma mɛ̀, yã́ pↄ́ a to aà dↄ̃ kɛ́ mámɛmaa Diin kɛ: Tó n Niili í lɛ̀ ń go pↄ́ ń kũao, a li au ũɛ.

¹⁸Kpↄ pↄ́ kú ípi guuↄ i gaga, Niili í i gĩdↄ, Egipiↄ i fua mii.

¹⁹Ɔ̃ Dii ɛ̀a ò Mↄiziɛ: O Aalonaɛ aà a go sɛ dↄ Egipiↄ ía, an swaↄ ń ń swa'ↄnaↄ ń ń biaↄ ń ń íkalɛkĩiↄ píi, i gↄ̃ au ũ. Au iↄ daa gua Egipi, baa ń pɛ̃naↄ ń olaↄ guu ío píi.

²⁰Ɔ̃ Mↄizi ń Aalonao kɛ̀ lá Dii ònɛ́wa. Aalona a gopi sɛ̀ à Niili í lɛ̀ò Falaↄ̃ↄ ń a ìwaↄ wáa, ↄ̃ ípi gↄ̃̀ au ũ píi.

²¹Kpↄ pↄ́ kú a guuↄ gàga, ↄ̃ Niili ípi gĩdↄ̀, Egipiↄ fùa mii. Au daa gua Egipi.

²²Egipi ɛsɛdeↄ kɛ̀ màa sↄ̃ ń ɛsɛdekɛ guu, ↄ̃ Falaↄ̃ↄ swã́ gbãakũ̀, i ń yãmao lá Dii òwa.

²³Falaↄ̃ↄ ɛ̀a tà a bɛ, i yã́pi da seo.

²⁴Egipiↄ bia yↄ̃̀yↄ̃ Niili gↄ̃sↄ̃wa, kɛ́ wà e imi, asa aai fↄ̃ swada í mìo.

²⁵A ku màa e gↄↄ sopla Dii Niili lɛa gbɛa.

²⁶Ɔ̃ Dii ò Mↄiziɛ: Gɛ ǹ o Falaↄ̃ↄɛ, ma Dii ma mɛ̀ aà ma gbɛ̃́ↄ gbaɛ aa gɛ́ ma sísii.

²⁷Tó à gì ń gbaɛi sↄ̃, má tó blↄↄↄ ka aà bùsu gupiiuɛ.

²⁸Blↄↄↄ Niili pa e aa bua sĩ̀sĩa, aai gɛ̃ aà ua e aà kpɛ́u kpɛa, aai dɛdɛ aà wúlɛbↄwa. Aa gɛ̃ aà ìwaↄ uaↄ ń aà gbɛ̃́ↄ uaↄ. Aa ka aà kĩnaↄ guu ń aà blɛdabↄↄu.

²⁹Blↄↄↄ dɛdɛwà ń aà gbɛ̃́ↄ ń aà ìwaↄ píi.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Bↄa 712345678910111213141516171819202122232425262728293031323334353637383940

Bↄa 7
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40