NARONA 24:12-18

¹²Balamu bènɛ: Mɛ́ɛ o gbɛ̃ kɛ̀ n ń zĩmaanↄnɛroo!

¹³Ma bè baa tó n ma gba n bɛɛ kɛ̀ pana kↄ̃n kondogio kↄ̃n vurao, mɛ́ bↄ Dii yã kpɛɛ mà yã kɛ kↄ̃n ma zĩnda pↄyezioro, à maaa ke à zaaa. Yã kɛ̀ Dii bè mà oon mɛ́ o.

¹⁴Mɛ́ɛ taa ma gbɛ̃nↄ kiia sa. Ǹ mↄ́ mà onnɛ lán gbɛ̃ pìnↄ é kɛ n gbɛ̃nↄnɛ nà zia.

¹⁵Ben Balamu yã kɛ̀ à è ò à bè: Bɛↄ nɛ́ Balamu yãn yɛ̀, mamↄma kɛ̀ ma wɛ́ɛ kɛ̃na yãn yɛ̀.

¹⁶Mamↄma kɛ̀ mɛɛ̀ Luda yã ma yãn yɛ̀. Má Luda Musude nↄ̀sɛguuyã dↄ̃. Ma Gbãapingide wɛ́ɛgupu è, má daɛna ma puua, ma wɛ́ɛ wɛ̃na.

¹⁷Mɛ́ɛ Isarailinↄ ee, èe kɛ tianlo, mɛ́ɛ ń gwaa, à gurↄↄ e ká gĩaro. Sↄsↄnɛ é bↄ Yakubu boriinↄ tɛ́, kpatableri é bↄ Isarailinↄ tɛ́, eé Mↄabunↄ mì wíwi, eé zↄkakari pìnↄ mìwatoro fↄ̃fↄ̃.

¹⁸Ɛdↄmunↄ bùsu é gↄ̃ à pↄ́ ũ, à ibɛɛ Sei bùsu é gↄ̃ à pↄ́ ũ, Isarailinↄ gbãaa égↄ̃ kaaramɛ.