NARONA 20:14-24

¹⁴Musa gbɛ̃nↄ zĩ̀ aↄ̃ bↄ̀ Kadɛsi wà gàa Ɛdↄmunↄ kína kiia aↄ̃ bè: Wamↄwa n danɛ Isarailinↄ bè, ń nawɛ̃a kɛ̀ à wa leenↄ dↄ̃ píngi.

¹⁵Wa dezinↄ gàa Igipiti, ben wa gì kɛ̀ gwe. Igipitinↄ ĩa dàwa kↄ̃n wa dezinↄ.

¹⁶Wa wii pɛ̀ Diizi, ben à yã sìwao. À a Malaika zĩ̀ à bↄ̀wao Igipiti. Tia sa wá kú Kadɛsi, n bùsu lɛ́zɛkiia.

¹⁷Ǹ wa gba zɛ́ wà bↄɛ kↄ̃n n bùsuo. Wé gɛ̃ buraanↄ ke geepi búnↄnlo, wé a lↄ̀gↄ'i miro. Wégↄ̃ tɛ́ kína zɛ́daa guumɛ. Wé liɛ ↄplazi ke ↄzɛziro ai wà gá gɛ̃tɛo n bùsula.

¹⁸Ben Ɛdↄmunↄ bèńnɛ: É e à bↄɛ kↄ̃n wa bùsuoro. Tó a gi, wé bↄ wà daalɛ kↄ̃n fɛ̃ɛdaao.

¹⁹Isarailinↄ bèńnɛ: Wé bↄɛ kↄ̃n zɛ́daaomɛ. Tó wapinↄ ke wa pↄ́kãdeenↄ a í mì, wé à fĩa bo. Wá yezi wà bↄɛmmɛ pã.

²⁰Ɛdↄmunↄ bè: É e à gɛ̃ro. Ben aↄ̃ zĩ̀karinↄ bↄ̀ɛ paripari aↄ̃ mↄ̀ dańlɛ kↄ̃n gbãaao.

²¹Zaakɛ Ɛdↄmunↄ gì Isarailinↄnɛ aↄ̃ gɛ̃ kↄ̃n ń bùsuo, ben Isarailinↄ pã̀ńnɛ.

²²Isarailinↄ bↄ̀ Kadɛsi ń píngi aↄ̃ kà Oru kpii kiia

²³Ɛdↄmunↄ bùsu lɛ́zɛkiia. Gwen Dii yã òn Musanɛ kↄ̃n Arunao à bè:

²⁴Aruna é ká a dezinↄla tia, eé gɛ̃ bùsu kɛ̀ mɛ́ɛ Isarailinↄ gbaa guuro, kɛ̀ a gↄ̃ↄn plaaa a gi ma yã mazi zaa Mɛriba yãnzi.