NUMERA 20:14-24

¹⁴Bena Mose ese gwaukau taudia Kade amo e siaidia, Edom pavapavana dekenai, bae hamaoroa, baeto “Tadimu Israel na ini e gwau tomamu: oi dibamu dahaka ḡau dahaka ḡau ese vada e butumai tao;

¹⁵senemai na Aigupto ela, bena nega daudau Aigupto ai a nohova; a Aigupto taudia ese ai bona tamamai e daḡedaḡe henimaiva.

¹⁶Iehova a tai heniava, bena ia ese emai taitai e kamonai, aneru ta e siaia, Aigupto amo e hakaumai lasi, ama, emu tano hetoana ai a nohomu, Kade hanuana ai.

¹⁷Harihari ai a noimumu, emu tano amo baia raka hanai. Uma ta amo basia raka hanai, eiava vine imeana ta amo basia raka hanai, bona guri ranudia basia inu; Pavapava Dalana ai baia raka. Dala amo basia raka siri, idiba kahana amo eiava lauri kahana amo, ela bona emu tano hetoana baia rakaia hanai.”

¹⁸Edom ese e haere henia, eto, Basio raka hanai, baina tuari henimu na garina.

¹⁹Israel taudia ese ma e noia, eto, Laolao dalana ai baia raka; emu ranu baia inua eiava emai ubu-ubu ḡaudia ese bae inu, ai na davana baia henimu. Aemai amo baia raka hanai, vadaeni.

²⁰A ia ma e haere, eto, Basio raka hanai. Bena Edom ese tuari oreana badana mai goadana e hakaua lasi, idia ilao-ahudia.

²¹Taunabunai Edom ese Israel taudia e laodia ahu, ena tano amo basie raka hanai. Bena Israel na idau dala amo ela.

²²Idia na Kade amo eha laolao, ela, iboudiai na Horo ororona ai e kau.

²³Bena Horo ororona ai, Edom ena tano hetoana ai, Iehova ese Mose bona Aaron e hamaorodia, eto,

²⁴Aaron na tubu tama dekediai baine hahebou; ia na Israel taudia vada na henidia tanona ai basine raka vareai, badina be ranu gabuna ai Meriba ai egu hereva o utua.