Miti Mânec 91:6-10

⁶Ŋafere huc hâmocte mi gâgâmârâcmu, â ʒoaŋko ima fuaekac irec manabâc mi ecmu.

⁷Gâjoŋgao ŋic wâŋ tauseŋ farazo murâ faraniŋ, mefâregao teŋ tauseŋ hâmozo murâ hâmoniŋ, ehame sifu sisipiriczi go mi rocguocmu.

⁸Go ʒâŋezi sawa firâ honehaŋtec, ŋic sindaŋne jaŋe okacne roniŋmu.

⁹Go Wofuŋzi huecge eocte bâwosâemeŋte, â Femicne sâkozi hae sanaŋge eocte sakaremeŋte,

¹⁰sisipiricte wiac moczi mi bâfuacguocmu, â ʒârâ ʒâpâ moczi ficbozege mi bâqiŋkeocmu.