Miti Mânec 66:10-20

¹⁰O Anutu, go ba esâic enâremeŋ, siliwa esâickeeŋgopieŋ irec sâc enâremeŋ.

¹¹Go manahaŋ uficko jowambeŋ; go fai‐nâŋecko tagi ŋemâcne râemeŋ;

¹²go ŋic mana‐jaretec qizec‐nâŋecko âtembiŋ; go manahaŋ ʒocko â opâo humbeŋ; eme sifu baefuc‐nâporâ toma sâkoo râec‐nâpomeŋ.

¹³No ufuŋgao qowi bâzi barâ fâpemu, mumupaŋ‐nanere fârine bâfua‐garepemu.

¹⁴Ʒârâ hâriŋ maŋnao juhuc, micbipic‐nanezi mupaŋkepo i hâcne.

¹⁵Lama wokemaŋnehec rike‐garepemu, erâ lama ŋicnere âsu mumundoŋ; noniŋ bulimakao wâc bâmocke‐garepemu.

¹⁶Anutu araŋ bacneeŋgopieŋ ŋoŋe ware‐fârerâ mananiŋ, eme no wiac enarewec i binaŋ baŋarepe.

¹⁷Micbipic‐nanezi samarierâ wiracnepo, â nameŋ‐nanezi e muafeckewec.

¹⁸Maŋnanezi wiac hehesicne maŋkezac muzac, Wofuŋzi dâŋnanere hazec mi râezac.

¹⁹Erâ Anutu e jâmbomac hazec râewec, â nunumu‐nane manawec.

²⁰Anutu e muteŋkezo, e nunumu‐nane mi mana takirewec, â aki anonoc‐ticne mi sakare‐narewec.