Miti Mânec 48:6-14

⁶Mâreŋ ira ɋarac ɋarac qambiŋ hâcne, ŋokac moczi motec roocte gozi kiekac iŋuc embiŋ.

⁷Ʒoaŋ wewefuonec mâŋâŋ mutec fisirâ Tarasisi haeonec woke qanʒaŋ‐jopawec.

⁸Biŋene manambeŋ irec sâc jaha ʒâŋezi honembeŋ, Tâpiri Ɋuŋɋasaŋ Wofuŋte haeo, Anutu‐nâŋecte hae sâkoo hâcne; hae i Anutuzi ŋeŋe sanaŋ ŋeocte mucnewec.

⁹O Anutu, nâŋe taha ufuŋgere maŋnao aki anonocgere manasumbeŋ.

¹⁰O Anutu, ʒâŋe biŋegezi mâreŋ qaŋeŋnao rawecte mumumbiaŋgezi iŋuc jaha raekac; mefâregao bâbâpiaŋ fusucmawec fokac.

¹¹Zioŋ tiki e irec bubiaŋ manakac; Juda otâfâcne jaŋe mumutiŋgere erâ ʒeri bari eeŋgopieŋ.

¹²Zioŋ orâŋkehuc bârâreckenʒepieŋ, ehuc rucbapa ficne ficne wosenʒepieŋ.

¹³Qânâsac‐ticne hone qârâwiŋ enʒepieŋ, ficsâko maŋne jufârenʒepieŋ, ehuc ʒâhec fuaniŋmu jaŋe ʒiŋuc jazanʒepieŋ:

¹⁴“Anutu, nâŋâcne Anutu, e jurâ juraʒihuc juocmu, ehuc tatara tâmiric jowa qataŋ enâreocmu.”