Miti Mânec 44:7-13

⁷Goki ine râsifâc‐nâŋec jopanaŋte bafic‐nâpoekic, â qaisoc‐nâpoeŋgopieŋ jaŋe bâtâtiec‐jopaekic.

⁸Anutu gore mu qâqiŋ ʒuʒuhuc jaha eeŋgopeneŋ, erâ tofamâc daŋge mumuteŋ egarehuc junaŋmu.

⁹Eme go sifu suŋgiŋ‐nâpohuc mimi faio râec‐nâpomeŋ, â momorifâc‐nâŋec mi qâtec‐jopameŋ.

¹⁰Goki manahaŋ râsifâc‐nâŋec wise‐jarembeŋ, eme jaŋe mafa wiac‐nâŋec nâwoc rombiŋ.

¹¹Goki enâretec lama hehezure biŋe jaŋere sâc embeŋ, â qâpuc gurune gurune jaŋerao bâtâtiec‐nâpomeŋ.

¹²Go ŋicfâcge wiac afecnere qikiŋ‐jopameŋ, furine ŋemâcne bazu‐gareniŋte mi mumeŋ.

¹³Goki manahaŋ mendâŋ‐nâŋecko juŋgopieŋzi âke sisic enâreeŋgopieŋ, ŋicguru rârec rârec mu ruruc enârehuc gâwie‐nâreeŋgopieŋ.