Miti Mânec 33:9-17

⁹Wiac eki muha izia fuawec i! Wiraha izia fahare domawec i!

¹⁰Wofuŋzi qâpuc jaŋere mumupaŋ qame wahaekac, ŋicne ŋicne jaŋere dâŋbiri hetâtieekac.

¹¹Wofuŋte mumupaŋ i fofo sanaŋ, maŋticnere mamana biri, i ŋic gaŋne gaŋne jaŋerao fârio qaekac.

¹²Ŋicguru Wofuŋzi Anutu ejarekac jaŋere manape ʒerine ekac, eki rauc‐jopaocte bâwosâec‐jopawec jaŋe hâcne.

¹³Wofuŋ e sambâŋkonec fime wahame, mâreŋŋic sasawa honec‐nâpoekac.

¹⁴Eri ŋeŋe‐ticnao ŋeha ʒâŋenezi mâreŋte ŋecjucfâc qâuc‐jopa‐fâreekac.

¹⁵Eki hâcne maŋjeŋic ba akic efârewec, erâ wâc eebapa‐jeŋic hone râwiŋne‐fâreekac.

¹⁶Ŋicwofuŋ moc e momori gurufâcne jaŋe sâcne mi ŋezickeniŋmu; â momori moc e tâpiri sâko‐ticnezi sâcne mi baficke‐hâmoocmu.

¹⁷Ʒikare becâsic ere erâ râsi sâcne mi sanaŋke‐jarezo, e tâpiri sâko‐ticnezi rune sâcne mi bafickeocmu.