Miti Mânec 22:24-30

²⁴Ŋic qarâ suriŋne e ʒârâ hâriŋ fuacneme, mi mana wahacnewec â ere mi takickewec. Erâ ʒâŋe maine mi bâsoŋkecnehuc, ki owa ecneme manawec.”

²⁵Tutumaŋ sâkoo eebapagere mumbiaŋgupemu, go araŋ bagareeŋgopieŋ jaŋere maio mumupaŋ‐nanere tofa bazupemu.

²⁶Qarâ suriŋne jaŋe nâku gapec‐jopazejec; wira basac ecneeŋgopieŋ jaŋe Wofuŋ muteŋkenʒepieŋ; maŋŋeŋic firieha jurahuc junʒepieŋ!

²⁷Ŋicne ŋicne jaŋe Wofuŋte manasurâ mâreŋ qaŋeŋnaonec erao fisiniŋmu, qâpuc gurune gurune jaŋe mai‐ticnao fodapeniŋmu.

²⁸Guriŋ bapa i Wofuŋte gie biŋe, e ŋicne ŋicne jaŋere femicne.

²⁹Mâreŋte fekicne sasawa jaŋe eraoa dieŋzi heniŋmu, rufeo huhune jaŋe ere maio dape‐fâreniŋmu, erâ juju‐jeŋic sakareniŋte eipieniŋmu jaŋe wâc mâmâc.

³⁰Ʒâhec jujune jaŋe kiŋaŋ qacneniŋmu; ŋiczi ʒâhec fufua jaŋe Wofuŋte biŋe jazaniŋmu.