Miti Mânec 22:13-16

¹³no maicnuhuc micjeŋic aŋkeŋgopieŋ, laioŋ wânʒâŋ iŋucnezi owacke‐nareŋgopieŋ.

¹⁴Opâ iŋucne hoŋnupie ŋeratierâ fokopac, me kike bibiric‐nane ŋetara‐fârejec; buhândâŋ‐nane sâfâ iŋucne ejec, bumaŋ‐naneo oopâne fuahuctecne.

¹⁵Tâpiri‐nanezi hahaŋkerâ kuʒi dâkâ iŋucne ejec, nameŋ‐nanezi ŋaŋarac‐naneo bohotakac, hâmocte meo râecnukomec hâcne.

¹⁶Ojai, sâqocne bapa guruzi orâŋnuŋgopieŋ, qâto iŋucne rârec bârârec doma raŋgopieŋ, me kike‐nane âke mârâŋkembieŋ.