Miti Mânec 15:3-5

³Erâ nameŋnezi micko âkec dâŋ mi eekac, me âgo‐ticne sâqocne moc mi ecneekac, me qomâ‐ticne mi musoriŋkeekac ŋic iŋucne hâcne.

⁴Erâ ŋic tuŋjopakicne jaŋere maname wahaekac, â Wofuŋ araŋ bacneeŋgopieŋ jaŋe ine sâsec‐jopaekac; erâ wâc Anuture maio dâŋ moc mupaŋkerâ, ʒâhec honeme ŋemâckeme sifu fârine bâfuaekac.

⁵Moc ine moneŋ‐ticne ŋic qikiŋne‐jareekac, i okacne fehuc risiecneocte manasuhuc mi eekac; erâ wâc ŋic bahacmâc ere dâŋ muhasickeocte moneŋ râcnezo mupie qikiŋneekac. Wiac iŋucne eocmu e qiŋ herâ domaocmu.