5Wofuŋ‐nâŋec e kâcɋene, â tâpiri sâko‐ticnehec, erâ mamana tara‐ticne sâc tâmiric.
6Wofuŋ e bawahac‐jopakicne dope hutuŋ ejareekac; ŋic sindaŋne ine qâfiec‐jopame mâreŋko waha foeŋgopieŋ.
7Wofuŋ daŋge gae bâfeŋnerâ hecneniŋ, Anutu‐nâŋec gitazi musi bacneniŋ!
8E karoraczi sambâŋ bâsâockeekac, ehuc mâreŋte biŋe hoe bâfuaekac, â tikio qinʒiŋ mume wefuekac.
9E qowi nânâ bâfua‐jareekac, kâec kâec motecne jaŋe wiracnepie iŋuc jaha ejareekac.
10E becâsic tâpiri‐ticnere aŋac mi manaekac, â ŋicte tâpiri wânʒâŋ hone aŋac mi eekac;
11e araŋ bacneeŋgopieŋ â aki anonoc‐ticnere mamanac jueŋgopieŋ, jaŋere ine aŋackeekac.
Miti Mânec 147
Miti Mânec 147:5-11