Miti Mânec 132:3-11

³“No qoruc boze‐naneo biac mi fepemu, â fofo‐naneo biac mi waha fopemu;

⁴no sifu mana takirehuc, ʒâŋe‐nane guŋ sakarecnepemu;

⁵ehuc qanaŋ Wofuŋ gore ŋeŋe hae bâfuapemu, Jakobore Tâpiri wânʒâŋ go hâcne fic moc bagarepemu.”

⁶Oc, nâŋe Efarata haeo, qorac tapa katapare biŋe manambeŋ, erâ Jara wâneŋko fârine bâfuambeŋ.

⁷Ajoc, warepie ficticnao raʒinaŋ, kike‐ticnere ââtesiŋko dunduŋ hunaŋ.

⁸O Wofuŋ, go fahare ŋeŋemana haegao rac, go â tâpiri qorac tapa katapage.

⁹Taha bapafâcge jaŋe tiŋne juju hepie huzejec, â mitiŋicfâcge jaŋe ʒeri bari enʒepieŋ.

¹⁰Kiŋaŋŋicge Dawidire erâ, wokemaŋ ruacnemeŋ e mi suŋgiŋkezemec.

¹¹Wofuŋzi Dawidi dâŋ moc mujomirecnewec, dâŋ fârine, moc mi bebehene: “Gore bifuŋkonec fuaniŋmu jaŋeraonec moc eri ŋeŋegao hepe ŋeocmu.