4Doari, nehn ah kamwkamwroa ah liporrohk, epwi mwoardihoang nehn alin nehn mwoaswello, mahnsang pwi sangdo kangjang.
5Epwi liporro kipdi nehn wija sakaikai ma pwirejjo poadpoad. Liporrohk pispisin koapda pwa pwirejjo poadpoad.
6A anjoauwo ma joauwo dakda, suhkoahk pispisinnoar mengla pwa koalohraiok johpwa lel nehn wija loal.
7Epwi liporrohk kipdi nehn pwungen suhkoa soaksoak. A suhkoa soaksoakkok koapda kajasihkeihla irai; ioar irai ken johpwa uhwahki.
8A epwi liporrohk nehn pwirej mwehu; irai koapda, koalikla, uhwa mwehu; epwi uhwa min jilihjek, a epwi weneijek, a epwi epwiki.”
9Jesus pel pwa, “Doari, Armaj men ma mine sioa mihn rongrong, a ih en rong.”
10Doari, nehn en Jesus kalahpwukla, arai eijek roahmenno apel epwi ma pwili rong indoa ipoa pwa irai en poaki en kawoahwoahng irai karajraj kan.
11Ih ken japoang irai, pwa, “Oang kamwai mweimweioang en kidal manman rir kan doahr wein Koahs. A oang irai kan ma minmine likin, irai pirin kidal joang ohroj jang in karajraj.
12Pwa, ‘Irai en kapkapang, a pwen johpwa kapang, Irai en rongrongrong, a pwen johpwa woahwoahki, Irai en joah okdeklahng Koahs apel oaloa lapwdahn diparai kan.’”
13Jesus idoak iparai, pwa, “Kamwai johpwa woahwoahki karajraj pase? A imdoahr amwai kak woahwoahki karajraj pwiok? Doari, ioar doahr me:
14Johnkamwoaroa, ioar ma kin kamwoar mahjan in Koahs.
15Epwi armaj doahr Liporrohk ma mwoardihoang nehn al kan. Nehn ahr kin rong mahjanno, Jehsen kin indoa koawehjang irai.
16Liporro ma kin mwoardi oang nehn wija sakai woahwoahki irai kan ma kin rong oaloahda apel perenkihda.
17A johkin soangdi iparai, ma apwal oau ke kojkoj kin lel irai pwa padahkko, a irai kin pispis in lohdi.
18Epwi armaj kin doahroar Liporro siksikkok ma mwoardihoang nehn pwungen suhkoa soaksoak. Ioar irai ma kin rong mahjanno,
19a ki pwunod in mourin jampah kan, noaroak in koapwoa kan, apel joangoan inoang sohrohr kan kin pwokda jakahpajihla mahjanno, kahrehda ken johpwa uhwahda.
20Epwi doahroar Liporro siksikoa ma mwoardihoang nehn pwirej mwehu. Irai kin rong mahjanno, oaloa, ken uhwa: epwi uhwa min jilihjek, epwi weneijek, a epwi uhwahda min epwiki.”
21Jesus pel uhjehla ah sikesik oang irai, “Mine ipamwai ma kin okojda nah lahm kihdi pehn jepjep ke pehn pehd? Ih joah nen kihdahng nehn uhdahn dohiah?
Mark 4
Mark 4:4-21