Mak 4:4-21

⁴Tingdi saing teladi diri daxangia, saing mangdi dima daxangxangiadi.

⁵Teladi diri long sianggamia, mana longga titi sibun te. Dahaxa sap namua na titia ba tubu te.

⁶Ne bungina xaidaba haing, xanidi saing dimutuxu namua na oxaxadingdi diri te.

⁷Xuyang teladi diri long waxu ruxunamia, baing disok, dihibuadi binabu oxading te.

⁸Ne xuyang teladi diri mana titi xaiya. Dahaxa, dahaing saing dua xai. Oxang tela dua 30, tela dua 60 saing tela dua 100.”

⁹Baing Yesu harua ba, “Lipu gaxarea tangadingliana, bing dilungu haruanga baguli.”

¹⁰Bungina buranga disup mala, baing Lipu 12 rangua lipu teladi ding duxusunga mana haruanga babunadi ba.

¹¹Baing baladi ba, “Haruanga hisangamdi mana Urana Yonggaxinoa, Urana nai ba axapdi baing. Ne lipu singamdi daxap haruanga babundi ing ganina

¹²bu, “ ‘Dibagubagu mua ne dibagu daxabia te, dilungulungu mua ne daxabia rangrang te. Nam duxugia hatumingadingdi baing bagula ngayunga kuboluding diandi!’ ”

¹³Baing Yesu harua nadi ba, “Axabia haruanga babuna baguba namuxinoa te? Nabu bila ba, bing bagula axabia haruanga babung teladi namuxidingdi baru?

¹⁴Lipua ting wit xuyandi bila tela ting Urana haruanganoa.

¹⁵Lipu teladi, hatumingadingdi bila daxanga ubuna, longga xuyandi diri mana. Dilungu Urana haruanganoa, ne haxek sibuna ba, Satan ma unia Urana haruanganoa sanguadi.

¹⁶Lipu teladi bila xuyandi diri long sianggamia. Dilungu Urana haruanganoa, saing daxap sap, gamodingdi diyaha mana.

¹⁷Ne dahatum haringina mongaita ing ganina namua na oxaxadingdi diraxap. Xungdi mari sap, bungina mauxangandi daxapdi kimbo bungina daxap salaga mana namua dahatum haringina mana Urana haruanganoa.

¹⁸Baing lipu teladi bila xuyanadi diri long waxu ruxunamia. Dilungu haruanganoa,

¹⁹ne dahatum xumana buk mana titia li mauxangandi, xaung xalaxaladi dituxu murak manadi, murungadingdi mana axamang xangxana xauna daxapdi, dihibuadi, saing marandi dua te.

²⁰Ne xuyanadi diri titi xaiya bila lipuadi dilungu Urana haruanganoa, daxap dita hatumingadingia saing oxading. Lipu teladi dua 30, teladi dua 60, teladi dua 100, didali xuyadingdi bila ba.”

²¹Yesu baladi ba, “Aria baru? Atung nagung tela, ning akaukau minia kimbo ata hawa mana kabukabua? Tegu. Ata mahaing yabania.