مَرَكِ 4:4-21

⁴عَ تٌ نُ سَنسِ شْرِ فَرَنسَنمَ، شْرِ ندٍيٍ نَشَ بِرَ سَنكِرَ شْن، شْنِيٍ نَشَ قَ، عٍ عٍ دٌن فبِكِ.

⁵شْرِ ندٍيٍ قَن نَشَ بِرَ فّمّ يِرٍ، بّندّ مُ فبٌ دّننَشّ. نٍيٍ نَشَ بُلَ مَقُرٍن نَ، بَرِ مَ نَ بّندّ مُ تِلِن.

⁶كْنْ سٌفٍ تٌ شْنْ، نَ سَنسِيٍ نَشَ رَفَن، عٍ شَرَ فبٍن، بَرِ مَ سَنكٍ مُ نُ نَ عٍ بّ.

⁷سَنسِ شْرِ ندٍيٍ قَن نَشَ بِرَ تُنبٍ كُنسِيٍ تَفِ. تُنبٍ كُنسِيٍ نَشَ فبٌ، عٍ سَنسِيٍ عِشّتّن، عٍ عٍ كَنَ، عٍ مُ بٌفِ يٌ رَ مِنِ.

⁸سَنسِ شْرِ ندٍيٍ قَن نَشَ بِرَ بّندّ قَنيِ مَ. نَ شْرِيٍ تَن، عٍ كٍرٍن كٍرٍن بِرِن سَنسِيٍ نَشَ تْنسْي رَ مِنِ، ندٍيٍ نَشَ شْرِ تٌنفٌ سَشَن نَمِنِ، ندٍيٍ شْرِ تٌنفٌ سٍننِ، ندٍيٍ شْرِ كّمّ.»

⁹نَ شَنبِ، عَ نَشَ عَ مَسٍن، «شَ وٌ تُلِ قٍ مّمَ، وٌ وٌ تُلِ مَتِ يِ مَسٍنيِ رَ.»

¹⁰عِسَ تٌ لُ عَ شَتِ مَ، عَ قْشِرَبِرّ قُ نُن قِرِنيِيٍ عَ نُن نَشٍيٍ نُ نَ عَ رَبِلِنيِ، عٍ نَشَ عَ مَشْرِن عَ شَ تَالِيٍ مَ.

¹¹عَ نَشَ عَ مَسٍن عٍ بّ، «عَلَ بَرَ قَهَامُي قِ وٌ مَ وٌ شَ عَ شَ مَنفّيَ نِينِ فُندٌ كٌلٌن، كْنْ مِشِ فبّتّيٍ تَن قٍ بِرِن مّمَ تَالِ وْيّنيِيٍ نَن نَ،

¹²عَلَكٌ ‹عٍ شَ قٍ تٌ عَ قَنيِ رَ، كْنْ عٍ نَشَ عَ عِفبّ. عٍ شَ قٍ مّ عَ قَنيِ رَ، كْنْ عٍ نَشَ عَ قَهَامُ. نَ رَبَشِ نّ عَلَكٌ عٍ نَشَ قَ عٍ يَ رَقِندِ عَلَ مَ، عَلَ قَ دِحّ عٍ مَ.›»

¹³عَ نَشَ عٍ مَشْرِن، «وٌ تٌ مُ قَ يِ تَالِ كُي كٌلٌنشِ، وٌ تَالِ فبّتّيٍ كٌلٌنمَ دِ؟

¹⁴شّ رَوَلِ نَشَن سَنسِ شْرِ فَرَنسَنمَ، عَ مَنِيَ مِشِ رَ نَشَن عَلَ شَ مَسٍنيِ كَوَندِ مَ.

¹⁵مِشِ ندٍيٍ مَنِيَشِ نَ سَنسِ شْرِيٍ رَ نَشٍيٍ بِرَ كِرَ شْن. عٍ نّقّ عَلَ شَ مَسٍنيِ مّ، سٍنتَنّ عَ بَ عٍ شَشِلِ مَ.

¹⁶سَنسِ شْرِ نَشٍيٍ بِرَ فّمّ يِرٍ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، عٍ عَ سُشُ مَقُرٍن سّيوّ رَ.

¹⁷كْنْ سَنكٍ تٌ مُ نَ عٍ بّ، عٍ شَ دَنشَنِيَ مُ بُمَ. تْورّ نُن حَشَنكَتّ نَ عٍ لِ عَلَ شَ مَسٍنيِ شَ قٍ رَ، عٍ فبِلٍنمَ نّ عَلَ شَ قٍ قْشْ رَ كٍرٍن نَ.

¹⁸سَنسِ شْرِ نَشٍيٍ بِرَ تُنبٍ كُنسِيٍ تَفِ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ،

¹⁹كْنْ يِ دُنِحَ كْنتْقِلِ، نُن نَاقُلِ شْلِ، نُن قٍ فبّتّيٍ شْلِ نَن عٍ سُشُمَ هَن عٍ عَلَ شَ مَسٍنيِ بّحِن. نَ كُي، عَلَ شَ مَسٍنيِ مُ نْمَ عٍ بْحّ مَسَرَدٍ.

²⁰سَنسِ شْرِ نَشٍيٍ بِرَ بّندّ قَنيِ تَن مَ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، عٍ مَن عَ سُشُ، عَ عٍ بْحّ مَسَرَ. شْرِ كٍرٍن بٌفِ تٌنفٌ سَشَن نَمِنِمَ، ندٍيٍ بٌفِ تٌنفٌ سٍننِ، فبّتّيٍ قَن بٌفِ كّمّ.»

²¹عِسَ مَن نَشَ عَ مَسٍن عٍ بّ، «لَنثُي نْمَ دْشْدٍ دٍبٍ بُن مَ، شَ نَ مُ سَدٍ بُن مَ؟ عَ مُ دْشْمَ لَنثُي دْشْسٍ شَ قَرِ؟