Maki 5:11-22

¹¹Agonamofo asoparega rama'a afu'mo'za ne'za nene'za mani'naze.

¹²Ana havi avamumo'za kazigazi hu'za antahige'za, tataregeta antu afutamimofo zmagu'afi uframaneno hu'za hu'naze.

¹³Jisasi'a knareki viho huno ana havi avamutamina huzmantege'za, ana ne'mofo agu'afinti atirami'za, afu'mokizmi zamagu'afi ufre'naze. Ana maka afu'tamina 2 tauseni'a afu'mo'za agonaregati tragi'za uramiza timpi takaure'za ti nakri'za fri'naze.

¹⁴Afu kva vahe'mo'za anazanku koro nehu'za, fre'za vu'za rankumate'ene osi kumate'ene ke huganti hugma hu'za vahe zamasmi'naze. Nezmasmige'za ana veamo'za nentahi'za ana'ma hu'neaza kenaku eri hantage'za e'naze.

¹⁵Jisasintega e'za eme kageno havi avamu'mo'ma agu'afi fre'nea ne'mo'a anante mani'negeno ke'naze. Kukena nehuno fatgo antahintahi erino mani'nege'za, rama'a havi avamumo agu'afi fre'nea nere nehu'za koro hu'naze.

¹⁶Hagi ana nete fore nehuno afute fore hu'neaza ke'naza vahe'mo'za, onke'naza vahe'mokizmi zmasmi vgarage'za antahi'naze.

¹⁷Ana vahe'mo'za Jisasinku hankavetiza, ama mopa atrenka vuo hu'za hunte'naze.

¹⁸Hagi Jisasi'a ventefi marenerigeno havi avamumo agu'afi fre'nea ne'mo'a, natregena kagrane va'neno huno antahige'ne.

¹⁹Hianagi Jisasi'a nagranena ovugahane nehuno, anage huno asami'ne, kumakarega vunka, vahe ka'afi Ramo'ma asunku'ma huganteno, razama so'eza hugante'nea zankura ome zmasamio.

²⁰Anage huno asamigeno atreno Dekapolisi 10ni'e nehaza kumate vuno Jisasi'ma knare huno aza hu'nea nanekea zamasmige'za, maka vahe'mo'za nentahi'za antarintru hu'naze.

²¹Hagi Jisasi'a ete ventefima vuno kantu kaziga Galili tiru ankenare umahnatige'za, hakare veamo'za agrite e'za eme regagi ante'naze. Anama hazazanku Jisasi'a anante mani'ne.

²²Anante osi mono nonte kva vahe zgafinti mago nemofo agi'a Jairasi'e nehaza ne'mo, eno Jisasima eme negeno, agafi emaseno,